Ajali yafunga barabara kwa saa nne Kibaha Mamia ya abiria waliokua wanasafiri kupitia barabara kuu ya Dar esalam - Morogoro leo wamekwama

Kamanda wa Polisi Pwani, Jafar Mohamed
Kibaha. Mamia ya abiria waliokua
wanasafiri kupitia barabara kuu ya
Dar esalam - Morogoro leo
wamekwama kwa zaidi saa nne katika
eneo la Bamba Kata ya Kongowe mjini
Kibaha baada ya magari matano
kugongana na kisha kuziba barabara.
Katika ajali hiyo abiria watano
wamejeruhiwa sehemu mbalimbali za
mwili huku wanne kati yao wakiwa
wamevunjika mikono na miguu
ambapo majeruhi wote wamepelekwa
katika hospitali teule ya rufaa ya
Tumbi kwa matibabu.
Kamanda wa Polisi Pwani, Jafar
Mohamed amethibitisha kutokea kwa
tukio hilo na kusema ilitokea majira
ya saa 10.50 alfajiri ya leo na kwamba
barabara ilifunga kutokana na moja ya
magari yaliyogongana kuziba
barabara.
Kamanda Jafar alifafanua kuwa hatua
hiyo ilisababisha mabasi,malori na
magari mengine madogo kushindwa
kuendelea na safari kwa wakati katika
barabara hiyo.
"Ni kweli kuna usumbufu uliotokea
kwa wasafiri wa mikoani hasa wale
waliosafiri na magari yaliyotoka
alfajiri kwenda mikoani katika
barabara hii,” alisema kamanda huyo.
Kamanda huyo amewataja majeruhi
hao kuwa ni Abdul Mashaka
aliyevunjika mkono wa kulia,Juma
Hajji aliyevunjika mguu wa kulia,
Halfani Abdalla aliyevunjika miguu,
Zakaria Ramadhani na Othuman
Omary na wote walipelekwa kutibiwa
hospitali yaTumbi.
Awali Mkuu wa kikosi cha usalama
barabarani mkoani Pwani, Isango Abdi
alisema magariyaliyohusika na ajali
hiyo ni aina ya Fuso, Scania tanker na
Iveco tanker.
Alibainisha kuwa askari walifanikiwa
kudhibiti wizi wa mafuta katika malori
hayo na hivyo uharibu uliotokea ni
majeruhi na magari kuharibika.
Aliongeza kuwa chanzo cha ajali hiyo
ni dereva wa mojawapo ya lori
Raymond Mtega kuyapita gari zaidi ya
moja bila tahadhari na kufafanua
kuwa dereva huyo ameshakamatwa na
anahojiwa na baadae hatua za kisheria
zitafuata dhidi yake,
Naye Mwenyekiti wa Mtaa wa Bamba
ilipotokea ajali hiyo Amri Mavalla
alisema serikali ya mtaa kwa
kushirikiana na polisi walifanikiwa
kuyaondoa malori hayo yaliyoziba
barabara na saa 2.30 asubuhi magari
yote yaliyokuwa yamekwama eneo hilo
yaliendelea na safari kama kawaida.
-

Fahamu kuhusu historia ya wachaga,chanzo na asili yao pekee kupitia eaglefm na mwandishi wetu malya ..mwandishi wa kitabu cha historia marangu.imeeandaliwa na wasonga mrombo

Kabila la Wachaga linafahamika kwa
wengi kuwa linapatikana mkoani
Kilimanjaro.Kwa asili, Wachaga ni
mchanganyiko wa Wamasai,
Wasambaa, Wataita, Wakamba na
Wakahe.
Wachaga walianza kuhamia kwenye
miteremko ya Mlima Kilimanjaro
kwenye karne ya 17.
Walipofika wakiwa katika vikundi
vidogovidogo waliwakuta wakazi,
wenyeji kwenye Misitu ya Mlima
Kilimanjaro walioitwa ìWakonyingo..
Wenyeji hawa ambao huitwa
Mbilikimo hawakupenda
kuchanganyika na wahamiaji wageni,
hivyo wakahama na kuanzisha makao
yao ya kudumu kwenye misitu
minene iliyopo nchini Kongo.
Watu wengi wanafikiria kwamba
Wachaga wanatokana na asili moja.
Ukweli ni kwamba wamegawanyika
katika himaya 15, wanatofautiana
kwa lafudhi, lugha, rangi na
mwonekano wa miili yao.Wachaga
wapo katika makundi makuu matatu
ya Hai, Vunjo na Rombo.
Wale wanaopatikana eneo la Hai ni
Wasiha, Wamasama,
Wamachame,Wangíuni, Wakibosho,
Wauru na Wamoshi. Kwa wale
wanaopatikana eneo la Vunjo ni
Wakirua, Wakilema, Wamarangu,
Wamamba na Wamwika.
Kutoka eneo la Rombo ni Wamkuu,
Wamashati na Wasseri.
Hadi sasa haijulikani vizuri asili ya
jina Wachaga, ila wanahistoria
wanaeleza kwamba jina hilo
linatokana na neno la Kiswahili
linaloitwa 'Kichaka'.
Inaelezwa kwamba misafara ya
wafanyabiashara iliyokuwa
ikiongozwa na Waswahili pamoja na
Waarabu, walipokuwa wakipita
maeneo ya Vunjo waliwaona wenyeji
wa huko wakiwa wamejenga vibanda
vya kulinda mazao yao yasiliwe na
wanyama waharibifu.
Wakawaita wenyeji hawa kwamba
wanaishi vichakani na kuanzia hapo
wageni wafanyabiashara na
Wamisionari walipokuwa wanakuja
Kilimanjaro walielekezwa na
waongozaji misafara yao kwamba
wanakwenda kwenye nchi ya
ìUchakani,î, wakimaanisha kwamba
kwa watu wanaoishi vichakani.
Hatimaye wageni wakashindwa
kulitamka vizuri neno hili na kuliita
ìUchagani,
Jina hili likawekwa kwenye ramani
na kuitwa nchi ya ìWachaga.î Hivyo
ndivyo wenyeji waliokuwa wakiishi
kwenye Miteremko ya Mlima
Kilimanjaro walivyopewa jina lao.
Wachaga.
Maendeleo ya Wachaga
Maendeleo yao hapo awali yalitokana
na zao la kahawa. Walifanikiwa
kuanzisha vyama vya ushirika na
hatimaye mwaka 1932 walianzisha
Halmashauri ya Wachaga (Chaga
Council) ambayo kwa sasa inatumiwa
na Halmashauri ya Wilaya ya Moshi.
Halmashauri hii iliongozwa na Mangi
Mkuu ìMshumbue Thomas Marealle
II.
Mwaka 1946, utawala wa Waingereza
uliboresha Baraza la Halmashauri ya
Wachaga. Himaya ndogo za Wachaga
zipatazo 17 (himaya mbili za
Wakahe na Waarusha chini
zilijumuishwa kwenye Tarafa ya
Vunjo) na kuundwa kwa Tarafa tatu
za Hai, Vunjo na Rombo.
Halmashauri ya Wachaga ilijenga
miundombinu na huduma za jamii
ikiwamo kuwasomesha watoto wao
kwenye shule na vyuo mbalimbali
kama Chuo Kikuu cha Makerere,
Uganda.
Halmashauri ya Uchaga ilikuwa na
bendera yake ambayo ipo hadi leo
kwenye Halmashauri ya Wilaya ya
Moshi, yenye nembo tano kuu:
1- Mlima Kilimanjaro uliochorwa
katikati ya bendera ukionyesha
mandhari nzuri ya kilele cha Kibo.
Kilele cha Kibo kinatoa maji safi na ni
kielelezo cha umoja wao.
2- Chini ya kilele cha Kibo, upande
wa kushoto wa bendera kuna
mgomba wenye ndizi. Hiki ni chakula
kikuu cha Wachaga.
3- Upande wa kulia wa bendera ni
tawi la mbuni ukiwa na matunda
yake. Kahawa ni zao lililowaletea
maendeleo.
4- Bendera imezungukwa na
matawi ya 'sale' lenye matawi mawili
(draceana plant). Matawi haya
yamefanya mduara kuzunguka kilele
cha Kibo, mgomba wa ndizi na tawi la
zao la kahawa. Masale ni mmea
unaoheshimiwa sana na Wachaga
wote.
Ni alama ya amani. Masale hutumika
katika sherehe na shughuli zote za
kimila zinazofanywa na Wachaga.
Majani yake ni kijani kibichi
yanayoonyesha jinsi Kilimanjaro
ilivyo na rutuba nzuri inayostawisha
mazao ya kila aina.
5- Juu kidogo ya kilele cha Kibo
yupo chui ambaye amejipumzisha.
Chui ni alama kuu ya mamlaka ya
Wachaga.
Hapo awali kwenye miteremko ya
Mlima Kilimanjaro walikuwepo chui
wengi wa rangi nyeusi lakini
kutokana na ongezeko la watu
pamoja na uharibifu wa mazingira
chui hawa wametoweka.
Sikukuu ya Wachaga
Sikukuu ya Wachaga wote ilikuwa
ikiadhimishwa Novemba 10 kila
mwaka kama kumbukumbu ya siku
ambayo Wachaga wote
walipokusanyika na kumchagua
Mangi Mkuu baada ya kuteuliwa na
Halmashauri Kuu ya Uchaga.
Maadhimisho ya kwanza ya mwaka
1952 yalitanguliwa na uchaguzi wa
Halmashauri ya Wachaga wote
kuanzia kwenye ngazi ya Uchili
(kijiji), Umangi ( uchifu wa eneo) na
mwisho ngazi ya baraza kuu.
Sherehe ziliadhimishwa mjini Moshi
ambako Wachaga wote pamoja na
wageni waalikwa kutoka mataifa
mbalimbali walikusanyika katika
Viwanja vya Halmashauri ya Uchaga
(sasa ni makao makuu ya
Halmashauri ya Wilaya ya Moshi,
[Kilimanjaro District Council-KDC])
kushuhudia sherehe kubwa na yenye
kusisimua sana.
Jumba la Makumbusho
Upo umuhimu mkubwa wa kuhifadhi
historia ya Wachaga kama
kumbukumbu sahihi kwa vizazi vya
sasa na vijavyo.
Pia, ipo haja kwa majengo ya
Halmashauri ya Wilaya ya Moshi
pamoja na Ikulu yakarejeshwa kwa
Wachaga ili yageuzwe kuwa majengo
ya kuhifadhi kumbukumbu ya kabila
hilo.
Katika majengo haya patahifadhiwa
nyaraka zote za Chaga Council
ambazo baadhi zimeshaanza
kutoweka, kutahifadhiwa pia
shughuli za mila na kiutamaduni
tangu enzi ya karne ya 18.
Halmashauri ya Wilaya ya Moshi
haina budi kutafuta eneo la kujenga
majengo mapya badala ya kuyatumia
ya kihistoria.
*Mallya ni mchambuzi wa masuala
ya maendeleo ya jamii na
mwandishi wa kitabu cha
Wamarangu na Maendeleo. -0754
390 402, email:
exaudmalya@yahoo.co.uk au kimarioerasmi@gmail.com

NAFASI ZA KAZI HALMASHAURI YA MAJI WA BARIADI MWISHO WA KUTUMA MAOMBI TAR 12 OKTOBA 2015..wa hombolo mtapewa kipaumbele kwenye utendaji mitaa..POSTED BY ERASM KIMARIO A.K.A WASONGA MROMBO

HALMASHAURI YA MAJI WA
BARIADI
TANGAZO LA KAZI
Mkurugenzi wa Halmashaya Maji
wa Bariadi anatangaza nafasi za
kazi themanini na moja (81).
Maombi ya kujaza nafasi tajwa
hapa chini yanakaribishwa
kutoka kwa mtanzania yeyote
mwenye sifa zilizotajwa katika
tangazo hili.
Nafasi zinazotangazwa ni kama
ifuatavyo:-
1. MTENDAJE WA MTAA III
(NAFASI 73)
Ngazi ya Mshahara: TGS B
SIFA ZA MWOMBAJI
• Awe amehitimu Elimu ya
Kidato cha Nne (IV) au Sita (VI).
• Aliyehitimu mafunzo ya
Astashahada/cheti katika moja ya
fani zifuatazo:- Utawala, Sheria,
Elimu ya Jamii, Usimamizi wa
Fedha, Maendeleo ya Jamii na
Sayansi ya sanaa kutoka chuo
cha Serikali za Mitaa Hombolo,
Dodoma au chuo chochote
kinachotambuliwa na serikali.
MAJUKUMU
• Kuratibu na kutekeleza Sera
na Sheria zinazotekelezwa na
Halmashauri.
• Kuishauri kamati ya
maendeleo ya Mtaa kuhusu
Mipango ya Maendeleo katika
Mtaa.
• Kusimamia utekelezaji wa
Sheria ndogo na sheria
zinazotumika katika Mtaa.
• Kusiamia ukusanyaji wa
mapato ya Halmashauri.
• Kutekeleza na kusimamia
shughuli za maendeleo katika
Mtaa.
• Kusimamia ulinzi na usalama
wa raia na mali zao.
============
2. MAENDELEO YA JAMII
MSAIDIZI III (NAFASI 3)
Ngazi ya mshahara: TGS B
SIFA ZA MWOMBAJI
• Awe amehitimu Elimu ya
Kidato cha Nne (IV) au Sita (VI).
• Aliyefuzu mafunzo ya
Stashahada (Diploma) kwenye
fani ya Maendeleo ya Jamii
kutoka vyuo vya Maendeleo ya
Jamii au vyuo vingine
vinavyotambuliwa na serikali.
MAJUKUMU
• Kuratibu shughuli za
maendeleo ya jamii katika mtaa
zikiwemo za wanawake na
watoto.
• Kuhamasisha na
kuwawezesha wananchi kupanga
na kutekeleza kazi za
maendeleo.
• Kuwezesha jamii kubuni,
kupang, kutekeleza na
kusimamia miradi ya
maendeleo.
• Kusaidia kuunda vikundi vya
kijamii na kimaendeleo.
===========
3. MSAIDIZI WA
KUMBUKUMBU DARAJA LA II
(NAFASI 5)
Nafasi 3 Msaidizi wa
kumbukumbu masijala ya
kawaida.
Nafasi 1 Msaidizi wa
kumbukumbu masijala ya Ardhi.
Nafasi 1 Msaidizi wa
kumbukumbu masijala ya Afya.
Ngazi ya mshahara: TGS B
SIFA ZA MWOMBAJI
• Awe amehitimu Elimu ya
Kidato cha Nne (IV) au Sita (VI).
• Aliyefuzu mafunzo ya cheti
cha utunzaji kumbukumbu katika
mojawapo ya fani za masijala ya
kawaida, Afya na Ardhi.
MAJUKUMU
Msaidizi wa kumbukumbu
masijala ya kawaida
• Kutafuta kumbukumbu/
majalada yanayohitajiwa na
wasomaji
• Kuweka kumbukumbu (barua,
nyaraka nk.) katika majalada.
• Kuweka majalada katika
makundi.
• Kudhibiti upokeaji,
uandikishaji wa kumbukumbu/
Nyaraka.
• Kuweka kupanga
kumbukumbu sehemu ya
kuhifadhia.
Msaidizi wa kumbukumbu
masijala ya Ardhi
• Kushughulikia madai/
malalamiko ya hati za viwanja na
kutunza kumbukumbu zake.
• Kutunza kumbukumbu za
cadastral surveys na mahesabu
yake.
• Kuandaa nakala za cadastral
site plans.
• Kutunza miongozo ya ramani
na viwanja.
Msaidizi wa kumbukumbu
masijala ya Afya
• Kutafuta kumbukumbu/
majalada yanayohitajiwa na
wasomaji.
• Kushughulikia mapokezi ya
wagonjwa wa ndani na nje.
• Kukusanya kukagua na
kuhifadhi taarifa mbalimbali za
wodi za wafonjwa
SIFA NYINGINE ZA JUMLA
i. Mwombaji awe raia wa
Tanzania.
ii. Awe na umri wa kati ya
miaka 18 na 40.
iii. Maimbi yake yaambatishwe
picha (passport size) na vielelezo
vya sifa zake.
iv. Cheti cha kuzaliwa
kinambatishwe pia.
Maombi yote yatumwe kwa njia
ya posta kwa anuani ifuatayo:-
Mkurugenzi
Hlmashauri ya Mji
S.L.P 526
BARIADI
Mwisho wa kupokea maombi ni
tarehe 12.10.2015 saa tisa na
nusu alasiri.
Source: Mwananchi 21st
September, 2015

Hizi ni baadhi ya huduma za kimtandao tigo, voda, airtell.

*152*00# kuhakiki taarifa ya usajilli kadi ya mpiga kura ..............
.... mfano.................. KADI IMESAJILIWA
Jina: ERASMI ONORY KIMARIO
Jinsia: M
Kuzaliwa: 21/07/1993
Kituo: SHULE YA MSINGI MFORO
Kata: MARANGU KITOWO
Wilaya: WILAYA YA ROMBO
Jimbo: ROMBO
Mkoa: KILIMANJARO

*106# ..hii ni kuangalia taarifa ya usajili wa laini yako.


*150*00# ..wote hii mnafahamu...Mpesa vodacom.

*150*60#..hii ni airtell money...

*150*01#..hii ni tigopesa..inalipa

*149*01# ...kwa vifurushi vyote voda... voda mnarahisisha

*148*60# ...kupata vifurushi vyote airtell ...

*149*44#... niwezeshe..kopa vifurushi, dakika na bando. Airtell pekeee

*148*01#..kwa huduma zote za vifurushi tigo..


Sasa huduma zote tajwa hapo juu ni bure kama ukitozwa piga 100

Pia kuna sababu ya kuchagua tigopesa......... inalipa

JAMAN HAYA MASHAMBA KWANI TUTAKUFA NAYO.. ROMBO HII NI AIBU

Mkuu wa Jeshi la Polisi Tanzania,
Said Mwema
KATIKA hali isiyo ya kawaida Jeshi la
Polisi wilayani Rombo,limelazimika
kusimamia shughuli ya mazishi
baada ya kundi la watu wanne
kuzuia mwili wa marehemu Gaspar
Evarist (18) aliyefariki kwa ajali ya
pikipiki usizikwe shambani kwake
kijiji cha Muriae, wilayani Rombo.
Mkuu wa Polisi wilayani hapa, Ralph
Meela alisema kuwa vurugu hizo
zilisababishwa na mama wa
marehemu huyo na watoto wake
wakitaka mwili huo usizikwe kwenye
shamba la baba yake mzazi bali
wakauzike sehemu nyingine.
Akifafanua zaidi Meela alisema
chanzo cha mzozo huo ni baba wa
marehemu kufariki miaka mingi
iliyopita na hivyo waliokuwa
wakizuia mwili huo walidhani kuwa
endapo marehemu atazikwa hapo
shamba hilo litakua la kwake na
hivyo watakosa urithi.
Alisema katika vurugu hizo
zilisababisha uharibifu wa mali,
kwani wahusika walivunja msalaba
wa jumuiya pamoja na kumzuia
padre kuendesha ibada ambaye
ndugu walimtishia na hivyo
kuondoka kuepuka vurugu hizo.
Baada ya polisi kufika waliwakamata
watuhumiwa na kisha kusimamia
mazishi hayo.
Wakati huo huo mtu mmoja
aliyefahamika kwa jina la
Lewanga Kimario (23) mkazi wa kijiji
cha Mrere Mashati wilayani Rombo
amefariki dunia baada ya kujinyonga.
Mkuu wa Polisi Wilaya ya Rombo,Ralph
Meela amethibitisha kutokea kwa
tukio hilo. Meela alisema kuwa tukio
hilo lilitokea Juni 25, mwaka huu
majira ya saa 9:00 alasiri katika Kijiji
cha Mrere Mashati.
Meela alisema kuwa mwili wa
marehemu ulikutwa ukiwa
umening’inia juu ya paa la nyumba
yake.
Aidha alisema kuwa chanzo cha kifo
hicho bado hakijajulikana. Kwa
mujibu wa baba mzazi wa
marehemu, Thomas Kimario alisema
kabla ya tukio marehemu alikua
akisumbuliwa na malaria kali na
hivyo inaweza ikawa ndio sababu ya
kifo chake.

Waandishi wa habari tuna kazi mwaka huu.. nccr mageuzi waanxa upinzanu dhidi ya ukawa shuka nayo..

Ajali nyingine tena tanga..yaua wawili ..huko lushoto

Kamanda wa Polisi Mkoa wa Tanga, Zuberi
Mwombeji
Lushoto.Watu wawili wamefariki
dunia na wengine 15 kujeruhiwa
baada ya basi walilokuwa wakisafiria
kuacha njia na kupinduka katika Kijiji
cha Longoi Kata ya Mtae wilayani
Lushoto jana majira ya saa 11.00 jioni.
Kamanda wa Polisi Mkoa wa Tanga,
Zuberi Mwombeji alisema leo kuwa
ajali hiyo imelihusisha gari la Kampuni
ya Shambalai ambalo lilikuwa likifanya
safari zake kutoka Dar es salaam
kuelekea Mtae ambapo lilipinduka na
kuingia kwenye korongo.
Kamanda Mwombeji amesema abiria
waliofariki katika ajali hiyo miili yao
imeshatambulliwa ambapo mmoja ni
mkazi wa Mtae na mwingine ni mkazi
wa Vuli.
Aidha Kamanda Mwombeji alieleza
kuwa chanzo cha ajali hiyo bado
hakijafahamika ila ubovu wa barabara
pia unaweza kuwa umechangia kwa
ajali hiyo.
Majeruhi wa ajali hiyo akiwemo
dereva wa basi hilo, Sadiki Ayoub
mkazi wa Mlalo wamelazwa katika
Hospitali ya Wilaya ya Lushoto kwa
matibabu zaidi na hadi leo hali zao
zinaendelea vizuri huku wengine
wakipewa ruhusa.
Ingawa dereva wa basi hilo
amejeruhiwa katika ajali hiyo lakini
yupo chini ya uangalizi wa jeshi la
polisi kwa ajili ya kuho